MYSTICAL CHRONOTOPE AND MYTHICAL SYMBOLISM IN CONTEMPORARY KAZAKH YOUTH PROSE

Аңдатпа

Мақалада қазіргі қазақ жастар прозасындағы мистикалық хронотоп пен мифтік символика көркемдік, психологиялық және архетиптік қырлар тұрғысынан қарастырылады. Зерттеуде түн, ай сәулесі, тылсым кейіпкерлер мен шекаралық күй сияқты мотивтердің кейіпкердің трансформациясы мен оқиға құрылымына қалай ықпал ететіні талданады. Лира Қоныс пен Мәдина Омарова шығармаларын негізге ала отырып, автор мифопоэтикалық образдар мен архетиптік құрылымдардың қазіргі проза контексінде жаңаша көрініс табуын көрсетеді. Зерттеудің әдістемелік негізі ретінде мифопоэтикалық талдау, Юнгтің архетиптік психологиясы және Бахтиннің хронотоп теориясы қолданылады. Нәтижесінде, мистикалық кеңістік кейіпкердің ішкі өзгерісіне себепкер болатын шекаралық, инициациялық және рухани кеңістік ретінде сипатталады. Мақалада миф пен мистика эстетикалық құрал ғана емес, ұлттық мәдени жадқа негізделген этикалық және дүниетанымдық код ретіндегі қызметімен маңызды екені дәлелденеді.