АБАЙ ЕЛІ МЕН АЛАШ ҚАЛАСЫНЫҢ РУХАНИ САБАҚТАСТЫҒЫ ЖӘНЕ ҚАЗАҚ ПОЭЗИЯСЫНДАҒЫ БЕЙНЕСІ

Аңдатпа

Мақалада Семей қаласы мен облысының құрылу тарихынан сөз қозғалып, «Абай елі» мен «Алаш қаласы» атауларының тарихи негіздеріне талдау жасалды. Бір кездерде Семей қаласының бір бөлігі ресми түрде «Алаш қаласы» атанғаны Алаш арыстары Ә.Бөкейхан мен Р.Мәрсековке байланысты нақты деректермен дәйектеледі. Өңірдің Кеңес үкіметі тұсындағы және тәуелсіздік жылдарындағы тағдыр-талайы таразыланып, әр кезеңдегі жағдайы зерттеу жұмысының өн бойында қазақ поэзиясының тақырыптық туындыларымен өріліп отырады. Дереккөздер ретінде архив материалдары, ғалымдар мен өлкетанушылардың іргелі ғылыми-зерттеу еңбектері, қазақ ақындарының жыр жинақтары және мерзімді басылымдар қарастырылды.

«Абай елі» ұғымын Абай облысы деңгейінде, «Алаш қаласы» ұғымын Семей қаласы дәрежесінде танып-таныстырылады. Өңірдегі тарихи нысандар мен табиғи байлықтардың туристік әлеуетін шамалап, өзінің идеяларымен оқырманына ой салады. Пәнаралық байланыс деген ғылымдар жүйесінің бір арнаға тоғысуына өз септігін тигізетіні белгілі. Бұл тұрғыдан алғанда, әдебиет, тарих, туризм, журналистика, өлкетану сияқты бірнеше саланың мәселелесін қозғап, талдау жасалынған.