АҒЫЛШЫН ТІЛІН ОҚЫТУ ПРОЦЕСІНДЕГІ ОНЛАЙН РЕСУРСТАРДЫҢ РӨЛІ
Авторлар
-
Медет Джандильдинов
Ө.А.Байқоңыров атындағы Жезқазған университеті
-
*Мадина Тусупбекова
Л.Н.Гумилев атындағы Еуразия ұлттық университеті
Кілт сөздер:
эксперимент, студенттер, грамматикалық білім, дағдылар, интернет ресурстары, грамматикалық тест.Аңдатпа
Мақалада ағылшын тілін үйрену үдерісіндегі, атап айтқанда, ағылшын тілінің грамматикалық ережелерін оқытуда онлайн ресурстардың маңыздылығы қарастырылады. Қарым-қатынас дағдылары грамматика және грамматиканы қолдануды білуді, сондай-ақ мағынаны әлеуметтік қолайлы түрде жеткізу үшін тиісті тілдік лексиканы пайдалануды қамтиды. Соңғы жылдары ағылшын тілін оқыту саласында интернет-ресурстарды пайдаланудың маңыздылығы мен мақсаттылығы туралы мәселе көтерілуде, ол жаңа техникалық құралдарды қолдануды талдауды ғана емес, сонымен қатар инновациялық формалар мен оқыту әдістерін енгізудің оң және теріс аспектілерін зерттеуді көздейді. Ағылшын тілін оқытудың заманауи әдістері қазіргі технологиялық прогреспен, сонымен қатар оқу үдерісінің технологиялық жаңаруымен байланысты. Жоғары технологиялардың соңғы жетістіктері және ғаламдық интернеттің таралуы шет тілі мұғалімдеріне, әдіскерлерге және студенттердің өздеріне оқу үдерісін одан әрі жетілдіруге үлкен мүмкіндіктер ашады.
Интернет ресурстарын пайдалана отырып, ағылшын тілі грамматикасын оқытудың ерекшелігі – оқушылардың грамматикалық білімдері мен дағдыларын жетілдіру. Оқушылардың мектепте ағылшын тілі сабақтарында онлайн грамматикалық ресурстары аз немесе мүлдем жоқ екенін ескере отырып, зерттеушілер бұл оқушылардың грамматикалық біліміне тікелей әсер етеді деп болжайды. Осы мәлімдемеге сүйене отырып, авторлар жоғары сынып оқушыларымен онлайн грамматикалық ресурстарды пайдаланудың тиімділігін өлшеу үшін эксперимент жүргізді.
