АВИАЦИЯ КӘСІБИ ДИСКУРСЫНЫҢ КОНСТИТУТИВТІК ЕРЕКШЕЛІКТЕРІ
Авторлар
-
Гулбахыт Шалшыкбаева
Казахский университет международных отношений и мировых языков имени Абылай хана
-
Күләш Дүйсекова
Л.Н.Гумилев атындағы Еуразия ұлттық университеті
-
*Райгуль Бактиярова
Қазақ халықаралық қатынастар және әлем тілдері университеті
DOI:
https://doi.org/10.55808/1999-4214.2025-1.06Кілт сөздер:
кәсіби дискурс, авиация дискурсы, конститутивтік ерекшеліктер, кәсіби сала, қатысым.Аңдатпа
Мақалада институционалдық дискурс түрлерінің бірі кәсіби авиация дискурсының конститутивтік ерекшеліктері қарастырылады. Тақырыптың өзектілігі авиация дискурсының маңыздылығы артуымен, оның қоғам өміріндегі маңыздылығымен және оның конститутивтік белгілерінің динамикалық сипатын ескере отырып, осы дискурсты даму динамикасында қарастыру қажеттілігімен анықталады. Дискурстың құрылымдық ерекшелігін қарастыру нәтижесінде авиация дискурсының конститутивтік белгілері айқындалады.
Мақалада кәсіби дискурс адамдар арасындағы коммуникативтік қарым-қатынас пен танымдық үрдістері белсенділігінің нәтижесі ретінде қарастырылады. Кәсіби дискурс сөз әрекеті ретінде түрліше жолдармен жүзеге асатыны және қарапайым сөз әрекетінен ерекше болып табылатыны пайымдалады.
Кәсіби дискурсты талдау белгілі бір кәсіптік салаға тән тілдік белгілерді, оның коммуникативтік ерекшеліктерін, қатысым тәжірибелерін зерттеуді қамтиды. Талдаудың мақсаты – мамандардың кәсіби іс-әрекет барысында тілді қолдану ерекшеліктерін анықтау болып табылады. Сондай-ақ, мақалада кәсіби дискурстың кейбір лексикалық, синтаксистік және просодикалық ерекшеліктерінің сипаттамасы берілген, бұл мақаланың практикалық маңыздылығын көрсете алады.
Мақалада авиация кәсіби дискурсының бірқатар жинақ белгілері қарастырылады, авиация дискурсының ерекше сипаты анықталады. Авиация дискурсының мұндай ерешеліктерін зерттеу арқылы осы саладағы қатысым әрекетін тиімді түрде жүргізу мүмкіндігі айтылады.
