ЛИНГВИСТИКАЛЫҚ ИНТЕЛЛЕКТ: ҒЫЛЫМИ КАТЕГОРИЯ РЕТІНДЕ

Аңдатпа

Біздің мақаламызда қазіргі ғылым парадигмасындағы тың категорияның бірі – «лингвистикалық интеллект» ұғымына кешенді зерттеу жүргізілді. Терминнің анықтамасы мен ғылыми сипаттамасын айқындау мақсатында бірнеше сатыдан тұратын зерделеу жұмысы орындалды. Ұғымға қазақ ғылымы тұрғысында алғашқы рет жүйелі түсініктеме беру талпысы жасалды. Оның құрылысы түрлі ғылыми деректерді салыстыру арқылы ұсынылып отыр.

Зерттеуде «лингвистикалық интеллект» ұғымының қалыптасу арналары қарастырылды. Хронологиялық принцип негізінде категорияның ғылыми айналымға енуі мен актуалды нысанға айналу мәселесі зерттелді. Ұғымды басқа түсініктерден ажырату жолдары белгіленді. Теориялық негіздері жан-жақты талданып, жүйелі тәртіппен берілді. Лингвистикалық интеллектінің аясына кіретін басты тілдік құзыреттіліктер мен жүзеге асу формалары анықталды.

Қазіргі уақытта тіл мәселесінің өзекті болуына байланысты біз қарастырып отырған ұғымды жан-жақты зерттеу басты міндеттердің бірі болып саналады. Өз зерттеуімізде лингвистикалық интеллектінің негізгі сипатын айқындай отырып, оны жүйелі қарастырудың негіздерін ұсынып отырмыз. Алдағы уақытта ұғымды зерттеуді жалғастыру білім алушылардың лингвистикалық интеллектісін дамытудың басты аспектілерін жүзеге асыруға мүмкіндік береді.